- Lyrics
- Album list
- Singer Intro
潘越雲
-
純情青春夢
Lyricist:陳昇 Composer:鄭文魁 Arranger:李正帆
送你到火車頭 越頭就做你走 親像斷線風吹 雙人放手就來自由飛 阮還有幾句話 想要對你解釋 看是藏在心肝底較實在
阮也有每天等 只驚等來的是絕望 想來想去 抹凍辜負著青春夢 青春夢 咱兩人相欠債 你欠阮有較多 歸去看破來切切 較實在
送你到火車頭 越頭阮要來走 親像斷線風吹 雙人放手就愛自由飛 不是阮不肯等 時代已經不同 查某人嘛有自己的想法
甘願是不曾等 較贏等來是一場空 想來想去 同款辜負著青春夢 青春夢 唱歌來解憂愁 歌聲是真溫柔 查某人嘛有自己的願望
阮也有每天等 只驚等來的是絕望 想來想去 抹凍辜負著青春夢 青春夢 咱兩人相欠債 你欠阮有較多 歸去看破來切切 較實在
------------------------------------------
《純情青春夢》Sûn-tsîng Tshing-tshun Bāng 潘越雲Phuann Ua̍t-hûn
送你到火車頭 sàng lí kàu hué-tshia-thâu 越頭就做你走 ua̍t-thâu tiō tsuè lí tsáu 親像斷線風吹 tshin-tshiūnn tn̄g-suànn hong-tshue 雙人放手 siang-lâng pàng-tshiú 就來自由飛 tiō lâi tsū-iû pue
阮猶有幾句話 gún iáu-ū kuí-kù uē 想欲對你解說 siūnn beh tuì lí kái-sueh 看是藏咧心肝底 khuànn sī tshàng teh sim-kuann-tué 較實在 khah si̍t-tsāi
阮嘛有逐工等 gún mā ū ta̍k-kang tán 只驚等來的是絕望 tsí kiann tán--lâi--ê sī tsua̍t-bāng 想來想去 siūnn-lâi-siūnn-khì 袂當辜負著 buē-tàng koo-hū tio̍h 青春夢 tshing-tshun bāng 青春夢 tshing-tshun bāng
咱兩人相欠債 lán nn̄g-lâng sio-khiàm-tsè 你欠阮有較濟 lí khiàm gún ū khah tsuē 規氣看破來扯扯 Find more lyrics at ※ Mojim.com kui-khì khuànn-phuà lâi tshé-tshé 較實在 khah si̍t-tsāi
送你到火車頭 sàng lí kàu hué-tshia-thâu 越頭阮欲來走 ua̍t-thâu gún bueh lâi tsáu 親像斷線風吹 tshin-tshiūnn tn̄g-suànn hong-tshe 雙人放手 siang-lâng pàng-tshiú 著愛自由飛 tio̍h-ài tsū-iû pue
毋是阮毋肯等 m̄-sī gún m̄-khíng tán 時代已經無仝 sî-tāi í-king bô-kāng 查某人嘛有 tsa-bóo-lâng mā ū 家己的想法 ka-kī ê siūnn-huat
甘願是毋捌等 kam-guān sī m̄-bat tán 較贏等來是一場空 khah-iânn tán lâi sī tsi̍t-tiûnn khang 想來想去 siūnn-lâi-siūnn-khì 仝款辜負著 kāng-khuán koo-hū tio̍h 青春夢 tshing-tshun bāng 青春夢 tshing-tshun bāng
唱歌來解憂愁 tshiùnn-kua lâi kái iu-tshiû 歌聲是真溫柔 kua-siann sī tsin un-jiû 查某人嘛有 tsa-bóo-lâng mā ū 家己的願望 ka-kī ê guān-bāng
阮嘛有逐工等 gún mā ū ta̍k-kang tán 只驚等來的是絕望 tsí kiann tán--lâi--ê sī tsua̍t-bāng 想來想去 siūnn-lâi-siūnn-khì 袂當辜負著 buē-tàng koo-hū tio̍h 青春夢 tshing-tshun bāng 青春夢 tshing-tshun bāng
毋是阮毋肯等 m̄-sī gún m̄-khíng tán 時代已經無仝 sî-tāi í-king bô-kāng 查某人嘛有家己的願望 tsa-bóo-lâng mā ū ka-kī ê guān-bāng 查某人嘛有家己的願望 tsa-bóo-lâng mā ū ka-kī ê guān-bāng
- Special thanks to W.B. Chen for correcting the lyric.
- Related Links: W.B. Chen
|