- Lyrics
- Album list
洪第七
-
苦戀的男兒
Composer:吉田正
心愛的我無妳 怎樣活落去 若無妳每日稀微 一切無趣味 飲燒酒解阮悲意 目屎猶原點點滴 忍耐著心情空虛 苦戀的男兒
伊去的所在是 無論幾千里 伊講是咱的情絲 永遠斷不離 真無疑你到這時 忍心放阮做你去 讓阮來滿腹悲意 傷心過日子
想起你早當時 對我表心意 你講起堅定意志 終身做伴侶 到現在才知影是 你的假情和假義 一去著斷了情絲 讓阮心傷悲
------------------------------------------
《苦戀的男兒》Khóo-luân ê Lâm-jî 洪第七Âng Tē-tshit
心愛的 sim-ài--ê 我無你 guá bô lí 怎樣活落去 tsuánn-iūnn ua̍h--lo̍h-khì 若無你 nā bô lí 每日稀微 muí-ji̍t hi-bî 一切無趣味 it-tshè bô tshù-bī 啉燒酒解阮悲意 lim sio-tsiú kái gún pi-ì 目屎猶原點點滴 Find more lyrics at ※ Mojim.com ba̍k-sái iu-guân tiám-tiám tih 忍耐著心情空虛 jím-nāi tio̍h sim-tsîng khang-hi 苦戀的男兒 khóo-luân ê lâm-jî
伊去的所在是 i khì ê sóo-tsāi sī 無論幾千里 bô-lūn kuí tshian lí 伊講是咱的情絲 i kóng sī lán ê tsîng-si 永遠斷不離 íng-uán tuān put-lī 真無疑你到這時 tsin bô-gî lí kàu tsit-sî 忍心放阮做你去 jím-sim pàng gún tsuè lí khì 予阮來滿腹悲意 hōo gún lâi muá-pak pi-ì 傷心過日子 siong-sim kè ji̍t-tsí
想起你早當時 siūnn-khí lí tsá-tong-sî 對我表心意 tuì guá piáu sim-ì 你講起堅定意志 lí kóng-khí kian-tīng ì-tsì 終身做伴侶 tsiong-sin tsuè phuānn-lī 到現在才知影是 kàu hiān-tsāi tsiah tsai-iánn sī 你的假情佮假義 lí ê ké-tsîng kah ké-gī 一去就斷了情絲 it-khì tiō tuān liáu tsîng-si 予阮心傷悲 hōo gún sim siong-pi
- Special thanks to W.B. Chen for correcting the lyric.
- Related Links: W.B. Chen
|