- Album Intro
- Lyrics
- Album list
王俊傑
-
寂寞的島(王昭華)
Lyricist:王昭華 Composer:王昭華 Arranger:王俊傑
日誌拆過明仔載 單純的期待 細漢、大漢的囡仔 想啥無人知 毋捌家己行的路 憨膽的跤步 尻脊胼的冊揹仔 新的作業簿
平安出入的港口 魚網網希望 細隻、大隻的船仔 辛苦討海人 遠遠的海平線 天色起烏陰 雨欲落來風咧透 總是袂按算
海 海 你渥著無 落 落 雨喢喢落 佗 佗 寂寞的島 好 好 妹仔入學
遐呢闊的海洋 啖著煞鹹剁剁 細尾、大尾的魚仔 目屎無人看兮 鹹水透汫水 若鹽花仔豉嘴舌 塗肉含雨水 草仔枝足甘甜
遐呢媠的海墘 咾咕石礁硞硞 細陣、大陣的雨水 即時安慰人 遠遠的人生路 路裡敢有伴 人咧行啊天咧看 總是袂孤單
---------------------------------------------
Lyricist:王昭華 Composer:王昭華 Arranger:王俊傑
《寂寞的島》Tsi̍k-bo̍k ê Tó 王昭華 Ông Tsiau-huâ
日誌拆過明仔載 ji̍t-tsì thiah kuè bîn-á-tsài 單純的期待 tan-sûn ê kî-thāi 細漢大漢的囡仔 sè-hàn tuā-hàn ê gín-á 想啥無人知 siūnn siánn bô-lâng tsai 毋捌家己行的路 m̄-bat ka-kī kiânn ê lōo 戇膽的跤步 gōng-tánn ê kha-pōo 尻脊骿的冊揹仔 kha-tsiah-phiann ê tsheh-phāinn-á 新的作業簿 sin ê tsok-gia̍p-phōo
平安出入的港口 pîng-an tshut-ji̍p ê káng-kháu 魚網網希望 hî-bāng bāng hi-bāng 細隻大隻的船仔 sè-tsiah tuā-tsiah ê tsûn-á 辛苦討海人 sin-khóo thó-hái-lâng 遠遠的海平線 hn̄g-hn̄g ê hái-pîng-suànn 天色起烏陰 thinn-sik khí oo-im 雨欲落來風咧透 Find more lyrics at ※ Mojim.com hōo beh lo̍h-lâi hong teh thàu 總是袂按算 tsóng-sī bē àn-sǹg
海海 hái, hái 你沃著無 lí ak--tio̍h bô 落落 lo̍h, lo̍h 雨㴙㴙落 hōo tsha̍p-tsha̍p lo̍h 佗佗 toh, toh 寂寞的島 tsi̍k-bo̍k ê tó 好好 hó, hó 妹仔入學 mē-á ji̍p-o̍h
遐爾闊的海洋 hiah-nī khuah ê hái-iûnn 啖著煞鹹剁剁 tam--tio̍h suah kiâm tok-tok 細尾大尾的魚仔 sè-bué tuā-bué ê hî-á 目屎無人看著 ba̍k-sái bô-lâng khuànn--tio̍h 鹹水透汫水 kiâm-tsuí thàu tsiánn-tsuí 若鹽花仔豉喙舌 nā iâm-hue-á sīnn tshuì-tsi̍h 塗肉含雨水 thôo-bah kânn hōo-tsuí 草仔枝足甘甜 tsháu-á-ki tsiok kam-tinn
遐爾媠的海墘 hiah-nī suí ê hái-kînn 硓𥑮石礁硞硞 lóo-kóo-tsio̍h ta kho̍k-kho̍k 細陣大陣的雨水 sè-tsūn tuā-tsūn ê hōo-tsuí 即時安慰人 tsik-sî an-uì lâng 遠遠的人生路 hn̄g-hn̄g ê jîn-sing lōo 路裡敢有伴 lōo--lìn kám ū phuānn 人咧行啊天咧看 lâng teh kiânn--ah thinn teh khuànn 總是袂孤單 tsóng--sī bē koo-tuann
海海 hái, hái 你沃著無 lí ak--tio̍h bô 落落 lo̍h, lo̍h 雨㴙㴙落 hōo tsha̍p-tsha̍p lo̍h 佗佗 toh, toh 寂寞的島 tsi̍k-bo̍k ê tó 好好 hó, hó 妹仔入學 mē-á ji̍p-o̍h
- Special thanks to W.B. Chen for correcting the lyric.
- Related Links: W.B. Chen
|