- Album Intro
- Lyrics
- Album list
- Singer Intro
王俊傑
-
阿却姨
Lyricist:王俊傑 Composer:王俊傑
每工透早 天才拄拍昲光 阿却姨仔就趕快起來煮早頓 以早是煮予一陣囡仔食 這馬是煮予伊家己食 食飽閒閒 罔行罔散步 四界罔看當做若運動 行來到媽祖廟口 佮這陣姊妹仔伴 心內話提出來罔講
(演唱) 怹講前講後講過去 講東講西講現在 但是毋捌聽怹講未來 若是心頭掠袂定 就來講予媽祖聽 (唉)心內的話無人疼 無人通知影 歲頭食到遮 其實嘛無向啥(ǹg siánn) 祈求囝孫平安 身體勇健
(口白) 阿却姨仔三十五歲就來守寡 一陣囡仔遮大陣 一開喙就討欲愛食 彼時細漢的半暝發燒 趕緊欲注射 醫生講著愛趕緊蹛院 若無是會無性命 彼時怹兜是散到強欲予鬼仔掠 阿却姨仔煩惱到毋知欲按怎 佳哉 佳哉阿珠仔怹兜蓋有量 出來共怹鬥打紮
(演唱) 若無毋知欲按怎 啊毋知欲按怎 啊欲按怎 伊那講又閣那越頭 講咱遮的姊妹 實在予恁真勞力 幾若十年攏予恁鬥相共 恁攏是我的恩情人 伊那講又閣喙那笑 講實在可憐喔 咱哪會逐家攏仝款
日頭將欲沉落西 等一句歹勢一直攏等袂來 若想欲流目屎 無愛哭予別人知 吞落腹內 笑容展出來 啊~無啥物通掛礙 月娘斜西 日頭浮出來
(口白) 今仔日透早 天才拄拍昲光 阿却姨仔就趕緊起來打扮閣兼梳妝 伊厝前厝後 一遍來一遍去 看閣再看 巡閣再巡 伊講遮的一花一草 伊攏欲共伊認予真 記予明
(演唱) 行來到媽祖廟口 規陣姊妹仔攏咧等候 怹攏穿彼軀上新的老旗袍 怹講政府就有需要 今仔咱攏欲來搬走 來去予囝孫仔共咱有孝 上毋甘的就是幾十年的厝邊兜
心內的話無人疼 無人通知影 心頭掠袂定 就來講予媽祖聽 保庇咱此去攏好命
日頭將欲沉落西 等一句歹勢一直攏等袂來 若想欲流目屎 無愛哭予別人知 吞落肚內 笑容展出來 啊~無啥物通掛礙 月娘斜西 日頭浮出來 啊~無啥物通掛礙 月娘斜西 日頭浮出來
------------------------------------------
《阿卻姨》A-khioh-î 王俊傑 Ông Tsùn-kia̍t【南面而歌】
(口白)-----↓ 每工透早 muí-kang thàu-tsá 天才拄拍殕光 thinn tsiah tú phah-phú-kng 阿卻姨仔就趕緊起來煮早頓 A-khioh-î--á tō kuánn-kín khí-lâi tsú tsá-tǹg 以早是煮予一陣囡仔食 í-tsá sī tsú hōo tsi̍t-tīn gín-á tsia̍h 這馬是煮予伊家己食 tsit-má sī tsú hōo i ka-kī tsia̍h 食飽閒閒 tsia̍h-pá îng-îng 罔行罔散步 bóng kiânn bóng sàn-pōo 四界罔看 sì-kè bóng khuànn 當做若運動 tòng-tsò ná ūn-tōng 行來到媽祖廟口 kiânn lâi-kàu má-tsóo-biō kháu 一陣姊妹仔伴 tsi̍t-tīn tsí-muāi-á-phuānn 心內話提出來罔講 sim-lāi-uē the̍h tshut-lâi bóng kóng (口白)-----↑
怹講前講後講過去 in kóng tsîng kóng āu kóng kuè-khì 講東講西講現在 kóng tang kóng sai kóng hiān-tsāi 但是毋捌聽怹講未來 tān-sī m̄-bat thiann in kóng bī-lâi
若是心頭掠袂定 nā-sī sim-thâu lia̍h-buē-tiānn 就來講予媽祖聽 tiō lâi kóng hōo Má-tsóo thiann 哎~心內的話無人疼 aih~ sim-lāi ê uē bô-lâng thiànn 無人通知影 bô-lâng thang tsai-iánn
歲頭食到遮 huè-thâu tsia̍h kàu tsia 其實嘛無向啥 kî-si̍t mā bô ǹg siánn 祈求囝孫平安 kî-kiû kiánn-sun pîng-an 身體勇健 sin-thé ióng-kiānn
(口白)-----↓ 阿卻姨仔三十五歲就來守寡 A-khioh-î--á sann-tsa̍p-gōo huè tō lâi tsiú-kuá 一陣囡仔遮大陣 tsi̍t-tīn gín-á tsiah tuā tīn 開喙就討欲愛食 khui-tshuì tō thó beh-ài tsia̍h 彼陣細漢的半暝仔發燒 hit-tsūn sè-hàn--ê puànn-mê-á huat-sio 趕緊欲注射 Find more lyrics at ※ Mojim.com kuánn-kín beh tsù-siā 醫生講著愛緊蹛院 i-sing kóng tio̍h-ài kín tuà-īnn 若無是會無性命 nā-bô sī ē bô sìnn-miā 今彼陣怹兜是散甲強欲予鬼仔掠 tann hit-tsūn in-tau sī sàn kah kiōng-beh hōo kuí-á lia̍h 阿卻姨仔煩惱甲毋知欲按怎 A-khioh-î--á huân-ló kah m̄-tsai beh án-tsuánn 佳哉 佳哉隔壁阿珠仔 ka-tsài, ka-tsài keh-piah A-tsu--á 怹兜蓋有量 in-tau kài ū-liōng 出來共怹鬥打扎 tshut-lâi kā in tàu tánn-tsah (口白)-----↑
若無毋知欲按怎 nā-bô m̄-tsai beh án-tsuánn 啊毋知欲按怎 ah m̄-tsai beh án-tsuánn 啊欲按怎 ah beh án-tsuánn
伊那講又閣那越頭 i ná kóng iū-koh ná ua̍t-thâu 講咱遮的姊妹仔 kóng lán tsia-ê tsí-muāi-á 實在予恁真勞力 si̍t-tsāi hōo lín tsin lóo-la̍t 幾若十年攏予恁鬥相共 kuí-nā tsa̍p-nî lóng hōo lín tàu-sann-kāng 恁攏是我的人情人 lín lóng-sī guá ê jîn-tsîng lâng 伊那講又閣喙那笑 i ná kóng iū-koh tshuì ná tshiò 講實在可憐喔 kóng si̍t-tsāi khó-liân--ooh 咱哪會逐家攏仝款 lán ná ē ta̍k-ke lóng kāng-khuán
日頭將欲沉落西 ji̍t-thâu tsiong bueh tîm lo̍h sai 等一句歹勢 tán tsi̍t-kù pháinn-sè 一直攏等袂來 it-ti̍t lóng tán buē lâi 若想欲流目屎 nā siūnn-beh lâu ba̍k-sái 無愛哭予別人知 bô-ài khàu hōo pa̍t-lâng tsai 吞落腹內 thun lo̍h pak-lāi 笑容展出來 tshiò-iông tián--tshut-lâi
啊~無啥物通掛礙 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日頭浮出來 ji̍t-thâu phû--tshut-lâi
(口白)-----↓ 今仔日透早 kin-á-ji̍t thàu-tsá 天就才拄拍殕光 thinn tō tsiah tú phah-phú-kng 阿卻姨仔伊就趕緊起來 A-khioh-î--á i tō kuánn-kín--khí-lâi 打扮閣兼梳妝 tánn-pān koh kiam se-tsng 伊厝前厝後 i tshù-tsîng tshù-āu 一遍來一遍去 tsi̍t-piàn lâi tsi̍t-piàn khì 看閣再看 khuànn koh-tsài khuànn 巡閣再巡 sûn koh-tsài sûn 伊講遮的一花一草 i kóng tsia ê tsi̍t-hue tsi̍t-tsháu 伊攏欲共認予真 i lóng beh kā jīn hōo tsin 記予明 kì hōo bîng (口白)-----↑
行來到媽祖廟口 kiânn lâi-kàu má-tsóo-biō kháu 規陣姊妹仔攏咧等候 kui-tīn tsí-muāi-á lóng leh tán-hāu 怹攏穿著彼軀上新的老旗袍 in lóng tshīng tio̍h hit su siōng sin ê lāu kî-phâu
怹講政府就有需要 in kóng tsìng-hú tiō ū su-iàu 今仔咱攏欲來搬走 kin-á lán lóng beh lâi puann tsáu 來去予囝孫仔共咱有孝 lâi-khì hōo kiánn-sun-á kā lán iú-hàu 上毋甘的 siōng m̄-kam--ê 就是幾十年的厝邊兜 tiō-sī kuí-tsa̍p nî ê tshù-pinn-tau
心內的話無人疼 sim-lāi ê uē bô-lâng thiànn 無人通知影 bô-lâng thang tsai-iánn 心頭掠袂定 sim-thâu lia̍h-buē-tiānn 就來講予媽祖聽 tiō lâi kóng hōo Má-tsóo thiann 保庇咱此去攏好命 pó-pì lán tshú-khì lóng hó-miā
日頭將欲沉落西 ji̍t-thâu tsiong bueh tîm lo̍h sai 等一句歹勢 tán tsi̍t-kù pháinn-sè 一直攏等袂來 it-ti̍t lóng tán buē lâi 若想欲流目屎 nā siūnn-beh lâu ba̍k-sái 無愛哭予別人知 bô-ài khàu hōo pa̍t-lâng tsai 吞落腹內 thun lo̍h pak-lāi 笑容展出來 tshiò-iông tián--tshut-lâi
啊~無啥物通掛礙 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日頭浮出來 ji̍t-thâu phû--tshut-lâi 啊~無啥物通掛礙 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日頭浮出來 ji̍t-thâu phû--tshut-lâi
- Special thanks to W.B. Chen for correcting the lyric.
- Related Links: W.B. Chen
|