- Album Intro
- Lyrics
- Album list
- Singer Intro
張三李四
-
阿列克謝
Lyricist:張三 Composer:張三、鍾興民
Peace No war Peace No war Peace No war Peace No war
她講不知欲對佗位開始講起 九月三十號的下晡 她的姊夫 就佇咧戰場 去乎戰砲炸甲雙跤攏總無去
她講知影消息的時佇咧公司 放聲大哭 哭到規身軀攏咇咇掣 醫生講佳哉保全性命 但是雙腳煞就要鋸掉處理
戰火無情 親友有情 貪婪本性 原是人性 書讀頭頂 飛彈天頂 倒退文明 眾人證明
戰火留停 珠淚無停 傷害造成 為誰完成 街路冷清 才來看清 鮮血殺生 無數喪生
她講他只有兩種選擇 手無寸鐵的驚惶覕咧厝 用肉身保護某囝 照顧規家伙仔 來來去去反反覆覆 死去的是誰
囝仔的老母較艱苦嘛著安慰 講爸爸只是換一个模樣 就親像有時陣無留喙鬚 暫時失去雙腳
囝仔那哭那問彼是啥物意思 老母講爸爸會閣鬥新的跤 未來仝款會陪你去掖跤 上重要的是咱仝款愛爸爸
戰火無情 親友有情 貪婪本性 原是人性 書讀頭頂 飛彈天頂 倒退文明 眾人證明
戰火留停 珠淚無停 傷害造成 為誰完成 街路冷清 才來看清 鮮血殺生 無數喪生
她講他只有兩種選擇 手無寸鐵的驚惶覕咧厝 用肉身保護某囝 照顧規家伙仔 來來去去反反覆覆 死去的是誰
她講他走另外一條路 踏過屍體的勇敢佮怹拼 提槍砲保護性命 衝去上蓋前線 來來去去反反覆覆 活下來的是誰
------------------------------------------
22640/《阿列克謝》 張三李四樂團Tiunn-sam Lí-sù Ga̍k-thuân
Peace No war Peace No war Peace No war Peace No war
伊講毋知欲對佗位 i kóng m̄-tsai beh tuì tó-uī 開始講起 khai-sí kóng-khí 九月三十號的下晡 káu-gue̍h sann-tsa̍p-hō ê ē-poo 伊的姊夫 i ê tsí-hu 就佇咧戰場 tiō tī-leh tsiàn-tiûnn 去予戰砲炸甲 khì hōo tsiàn-phàu tsuànn kah 雙跤攏總無去 siang-kha lóng-tsóng bô--khì
伊講知影消息的時 i kóng tsai-iánn siau-sit ê sî 佇咧公司放聲大哭 tī-leh kong-si pàng-siann tuā-khàu Find more lyrics at ※ Mojim.com 哭甲規身軀攏咇咇掣 khàu kah kui-sin-khu lóng pi̍h-pi̍h-tshuah 醫生講 i-sing kóng 佳哉保全性命 ka-tsài pó-tsuân sìnn-miā 但是雙跤 tān-sī siang-kha 煞著愛鋸掉處理 suah tio̍h-ài kì tiāu tshú-lí
↓↓(RAP)---(RAP)↓↓ 戰火無情 tsiàn-hué bô-tsîng 朋友有情 pîng-iú ū-tsîng 貪婪本性 tham-lâm pún-sìng 原是人性 guân sī jîn-sìng 冊讀頭頂 tsheh tha̍k thâu-tíng 飛彈天頂 hui-tuânn thinn-tíng 倒退文明 tò-thè bûn-bîng 眾人證明 tsiòng-lâng tsìng-bîng
戰火留停 tsiàn-hué lâu-thîng 珠淚無停 tsu-luī bô thîng 傷害造成 siong-hāi tsō-sîng 為誰完成 uī siáng uân-sîng 街路冷清 ke-lōo líng-tshing 才來看清 tsiah lâi khuànn tshing 鮮血殺生 sian-hiat sat-sing 無數喪生 bû-sòo sòng-sing ↑↑(RAP)---(RAP)↑↑
伊講伊只有兩種選擇 i kóng i tsí-ū nn̄g-tsióng suán-ti̍k 手無寸鐵咧驚惶覕咧厝 tshiú bô tshùn-thih teh kiann-hiânn bih teh tshù 用肉身保護某囝 iōng bah-sin pó-hōo bóo-kiánn 照顧規家伙仔 tsiàu-kòo kui-ke-hué-á 來來去去 lâi-lâi-khì-khì 反反覆覆 huán-huán-hok-hok 死去的是誰 sí--khì-ê sī siáng
囡仔的老母 gín-á ê lāu-bú 較艱苦嘛著安慰 khah kan-khóo mā tio̍h an-uì 講爸爸只是換一个模樣 kóng pá-pah tsí-sī uānn tsi̍t-ê bôo-iūnn 就親像有時陣無留喙鬚 tō tshin-tshiūnn ū-sî-tsūn bô lâu tshuì-tshiu 暫時失去雙跤 tsiām-sî sit-khì siang-kha
囡仔那哭那問 gín-á ná khàu ná mn̄g 彼是啥物意思 he sī siánn-mih ì-sù 老母講 lāu-bú kóng 爸爸會閣鬥新的跤 pá-pah ē koh tàu sin ê kha 未來仝款會陪你去掖跤 bī-lâi kāng-khuán ē puê lí khì iā-kha 上重要的是 siōng tiōng-iàu--ê sī 咱仝款愛爸爸 lán kāng-khuán ài pá-pah ---
伊講伊行另外一條路 i kóng i kiânn līng-guā tsi̍t-tiâu lōo 踏過死體咧勇敢佮怹拚 ta̍h kuè sí-thé teh ióng-kám kah in piànn 提銃砲保護性命 the̍h tshìng-phàu pó-hōo sìnn-miā 衝去上蓋前線 tshiong khì siōng-kài tsiân-suànn 來來去去 lâi-lâi-khì-khì 反反覆覆 huán-huán-hok-hok 活落來的是誰 ua̍h--lo̍h-lâi-ê sī siáng
- Special thanks to W.B. Chen for correcting the lyric.
- Related Links: W.B. Chen
|