- Album Intro
- Lyrics
- Album list
- Singer Intro
青虫
-
⼤樹公
Lyricist:吉尼 Composer:吉尼
我恬恬徛佇遮 看世界的變化 三百冬前風tshuā我來遮 我猶閣是一个囡仔
我恬恬徛佇遮 隔壁有一个阿兄 兩百冬前猶閣真勇健 為我閘風擋雨攏毋驚
有一日來了幾隻動物 阿兄講叫做人類 人類講阿兄發甲真直真媠 一定會當換袂少錢
我恬恬徛佇遮 看世界的變化 三百冬前風tshuā我來遮 我猶閣是一个囡仔
我恬恬徛佇遮 隔壁徙來一个庄仔 一百冬前叫我大樹公 為我起廟 對我真感謝
有一暝村長來跋pue請示 伊講新路欲對我遮過 大樹公你擋佇路中央 欲徙開嘛是姑不而將
來到這个世界兩三百年 看過遐濟代誌袂當插喙 遮爾濟的痛苦吞落腹肚 強欲袂喘氣
來到這个世界兩三百年 看過遐濟代誌袂當插喙 遮爾濟的朋友來來去去 我嘛放袂離
我恬恬徛佇遮 看世界的變化 三百冬前風tshuā我來遮 我猶閣是一个囡仔
我恬恬徛佇遮 這馬蹛佇一个冊櫥仔 我的身軀變做一張一張紙 阮朋友的故事攏寫佇遮
------------------------------------------
7096/《大樹公》Tuā-tshiū-kong 青虫Tshing-huí
我恬恬徛佇遮 guá tiām-tiām khiā tī tsia 看世界的變化 khuànn sè-kài ê piàn-huà 三百冬前 sann-pah-tang tsîng 風𤆬我來遮 hong tshuā guá lâi tsia 我猶閣是一个囡仔 guá iáu-koh sī tsi̍t-ê gín-á
我恬恬徛佇遮 guá tiām-tiām khiā tī tsia 隔壁有一个阿兄 keh-piah ū tsi̍t-ê a-hiann 兩百冬前 nn̄g-pah-tang tsîng 猶閣真勇健 iáu-koh tsin ióng-kiānn 為我閘風擋雨 uī guá tsa̍h-hong tòng-hōo 攏毋驚 lóng m̄-kiann
有一日 ū-tsi̍t-ji̍t 來了幾隻動物 lâi liáu kuí tsiah tōng-bu̍t 阿兄講怹叫做人類 a-hiann kóng in kiò-tsuè jîn-luī 人類講 jîn-luī kóng 阿兄發甲真直真媠 a-hiann huat kah tsin ti̍t tsin suí 一定會當換袂少錢 it-tīng ē-tàng uānn buē-tsió tsînn
我恬恬徛佇遮 guá tiām-tiām khiā tī tsia 看世界的變化 khuànn sè-kài ê piàn-huà 三百冬前 sann-pah-tang tsîng 風𤆬我來遮 hong tshuā guá lâi tsia Find more lyrics at ※ Mojim.com 我猶閣是一个囡仔 guá iáu-koh sī tsi̍t-ê gín-á
我恬恬徛佇遮 guá tiām-tiām khiā tī tsia 隔壁徙來一个庄仔 keh-piah suá lâi tsi̍t-ê tsng-á 一百冬前 tsi̍t-pah-tang tsîng 怹叫我大樹公 in kiò guá tuā-tshiū-kong 為我起廟 uī guá khí-biō 對我真感謝 tuì guá tsin kám-siā
有一暝 ū tsi̍t-mê 村長來跋桮請示 tshuan-tiúnn lâi pua̍h-pue tshíng-sī 伊講新路 i kóng sin-lōo 欲對我遮過 beh tuì guá tsia kuè 伊講大樹公 tuā tshiū kong 你擋佇路中央 lí tòng tī lōo tiong-ng 欲徙開 beh suá--khui 嘛是姑不而將 mā sī koo-put-jî-tsiong
來到這个世界 lâi-kàu tsit-ê sè-kài 兩三百年 nn̄g-sann-pah nî 看過遮濟代誌 khuànn-kuè tshiah tsuē tāi-tsì 袂當插喙 buē-tàng tshap-tshuì 遐爾濟的痛苦 hiah-nī tsuē ê thòng-khóo 吞落腹肚 thun lo̍h pak-tóo 強欲袂喘氣 kiōng-bueh buē tshuán-khuì
來到這个世界 lâi-kàu tsit-ê sè-kài 兩三百年 nn̄g-sann-pah nî 看過遮濟代誌 khuànn-kuè tsiah tsuē tāi-tsì 袂當插喙 buē-tàng tshap-tshuì 遐爾濟的朋友 hiah-nī tsuē ê pîng-iú 來來去去 lâi-lâi-khì-khì 我也放袂離 guá iā pàng buē-lī
我恬恬徛佇遮 guá tiām-tiām khiā tī tsia 看世界的變化 khuànn sè-kài ê piàn-huà 三百冬前 sann-pah-tang tsîng 風𤆬我來遮 hong tshuā guá lâi tsia 我猶閣是一个囡仔 guá iáu-koh sī tsi̍t-ê gín-á 我恬恬徛佇遮 guá tiām-tiām khiā tī tsia 這馬蹛佇一个冊櫥仔 tsit-má tuà tī tsi̍t-ê tsheh-tû-á 我的身軀 guá ê sin-khu 變做一張一張紙 pìnn-tsuè tsi̍t-tiunn tsi̍t-tiunn tsuá 阮朋友的故事 gún pîng-iú ê kòo-sū 攏寫佇遮 lóng siá tī tsia
- Special thanks to W.B. Chen for correcting the lyric.
- Related Links: W.B. Chen
|